ხვიჩა კვარაცხელია რუსეთის ჩემპიონატის სიმბოლურ გუნდში მოხვდა 

რუსულმა გამოცემა football.kulichki.net-მა საქართველოს ნაკრების ვინგერი ხვიჩა კვარაცხელია რუსეთის პრემიერლიგის მე-13 ტურის სიმბოლურ გუნდში შეიყვანა.

ყაზანის “რუბინმა” ტულას “არსენალი” – 3:1 დაამარცხა, ქართველმა ტალანტმა კი, რომელიც მოედანზე ერთ-ერთი საუკეთესო იყო, საგოლე გადაცემა მიითვალა.

ქართველი დრიბლიორი, როგორც ყოველთვის, ერთ-ერთი ყველაზე ნათელი ფიგურა იყო მოედანზე. ხვიჩა სასარგებლო იყო დაცვაში და შესანიშნავად ახერხებდა ფლანგზე კონტრშეტევების განხორციელებას. ერთ-ერთი ასეთი გარღვევა მეტოქის საჯარიმოში ორაზროვანი ვარდნით დასრულდა, ხოლო მეორე – მშვენიერი დიაგონალით ბაკაევზე, რომელმაც უპირატესობა სამამდე გაზარდა. საინტერესო იქნებოდა ხვიჩას ევროპულ ტურნირებში ხილვა, სადაც მოხვედრას “რუბინი” ცდილობს“, – წერს რუსული გამოცემა 19 წლის ამომავალი ვარსკვლავის შესახებ.

მატჩის შემდეგ, კვარაცხელია კიდევ ერთხელ შეხვედრის საუკეთესო ფეხბურთელად დაასახელეს.

კვარაცხელიას მიმდინარე სეზონში 13 მატჩში 2 გოლი აქვს გატანილი და 5 საგოლე გადაცემა გაკეთებული.

(113)

ხვიჩა კვარაცხელია რუსეთის ჩემპიონატის სიმბოლურ გუნდში მოხვდა 

სტატიის ავტორი
-