ვატო არველაძე კარიერას თურქეთის ჩემპიონატში გააგრძელებს. 22 წლის თავდამსხმელი სულერლიგაში დაბრუნებულ "კარაგმიურუქში" ითამაშებს.
ახალგაზრდა ქართველმა თავდამსხმელმა, რომელმაც ბოლო 4 თვე მშობლიურ თბილისის "ლოკომოტივში" გაატარა, თურქულ კლუბთან 2-წლიანი კონტრაქტი გააფორმა.
სტამბულში დაარსებული კლუბი სუპერლიგაში 1984 წლის შემდეგ პირველად აღზევდა.
საინტერესოა ისიც, რომ "კარაგმიურუქის" ვიცე-პრეზიდენტი ვატოს ბიძა და ვეტერანი ქართველი ფეხბურთელი არჩილ არველაძეა.
ვატო არველაძე, რომელსაც საქართველოს ნაკრებში ორ შეხვედრაში 1 გოლიც აქვს გატანილი, 2018-20 წლებში პოლონური "კორონას" შემადგენლობაში თამაშობდა და 29 მატჩში 5 ბურთის შეგდება მოახერხა.
