შტურმის მწვრთნელი - კიტეიშვილი სრული დატვირთვით ემზადება
3 წლის წინ
ფეხბურთი
1 წთ
"დღეს სერიოზულად ვიმუშავეთ. კიტეიშვილი გუნდთან ერთად სრული დატვირთვით ვარჯიშობს და დაბრუნებისთვის ემზადება. ოთო და გრეგორი ვიუტრიხი ფორმაში არიან და შემდეგი თამაშისთვის ჩვენთან იქნებიან. ვიხილავთ თუ არა მათ "ადმირასთან" სასტარტო შემადგენლობაში, ეს კვირას, თამაშამდე გაირკვევა," - განაცხადა "შტურმის" მწვრთნელმა მატჩისწინა პრესკონფერენციაზე.აღსანიშნავია, რომ კიტეიშვილის გამოჩენა სანიოლის 25 კაციან განაცხადში მოულოდნელი იყო. თავდაპირველი ინფორმაციით, ცნობილი იყო, რომ ქართველი თამაშს მარტის ბოლომდე ვერ მოახერხებდა. საქართველოს ეროვნული ნაკრები მსოფლიო ჩემპიონატის შესარჩევი ეტაპის პირველ თამაშს 25 მარტს, შვედეთთან გამართავს. სანიოლის დებიუტიდან 3 დღეში "ჯვაროსნები" ესპანეთს უმასპინძლებენ, 31 მარტს კი სტუმრად საბერძნეთს დაუპირისპირდებიან.