კლოპი აღიარებს, რომ ლივერპულმა ტიტულის დაცვისთვის ბრძოლა დაასრულა

" დიახ, მიმაჩნია, რომ ჩემპიონობისთვის ბრძოლა დასრულდა, რადგან გულახდილად რომ გითხრათ, არა მგონია, რომ მიმდინარე სეზონში "სიტისთან" არსებული ჩამორჩენა აღმოვფხვრათ. ჩვენ თამაშების მოგება გვმართებს, დღევანდელ შეხვედრაში ჩვენი თამაშის უმეტესი ნაწილი ძალიან კარგი იყო". " თავიდან უნდა ავიცილოთ შეცდომები და გაუგებრობები. დღეს ორ შემთხვევაში ამის თავიდან აცილება ვერ შევძელით და ამის გამო მეტოქეს 2 გოლის გატანის საშუალება მივეცით". " შედეგებს დიდწილად თამაშის ხარისხი განაპირობებს. დღევანდელ მატჩში საკმარისად კარგად ვითამაშეთ იმისათვის, რომ მოგვეგო, თუ ბოლოსკენ რამდენიმე შეცდომას არ ჩავთვლით". " თამაშის დაწყებამდე ყველამ ვიცოდით, რომ ოზანი კარგი მოთამაშეა და ეს თამაშის შემდგომაც ვიცით, მაგრამ რასაც ჩვენ ვაკეთებთ,ის ჯერ მიუჩვეველია. ალისონს შეტევა და კარიდან გამოსვლა უყვარს, შეცდომებს გამოცდილი მოთამაშეებიც უშვებენ". " წინ რთული შეხვედრები გველის, ახლა სწორედ ამაზე ვფიქრობ და არა ტიტულებზე".