სრულიად საფეხბურთო სამყაროში ცნობილმა და გავლენიანმა მსაჯმა პიერლუიჯი კოლინამ ვიდეო გამეორების სისტემის (VAR) საჭიროების შესახებ ისაუბრა. ყოფილი არბიტრის მტკიცებით, ვიდეო გამეორების სისტემამ (VAR) 2018 წლის მსოფლიო ჩემპიონატზე იდეალურად იმუშავა. 59 წლის კოლინა მიიჩნევს, რომ ვიდეო გამეორების სისტემა (VAR) ფეხბურთის განუყოფელი ნაწილი გახდება.
"ტექნოლოგიური სიახლეები ფეხბურთში უმნიშვნელოვანესია. ვიდეო გამეორების სისტემამ (VAR) 2018 წლის მსოფლიო ჩემპიონატზე იდეალურად იმუშავა და მიმაჩნია, რომ იგი ფეხბურთის განუყოფელი ნაწილი გახდება",- აღნიშნა კოლინამ MARCA-სთან საუბარში.
