"მანჩესტერ სიტის" ყოფილმა კაპიტანმა ვინსენტ კომპანიმ, რომელიც ამჟამად "ანდერლეხტში" თამაშობს, მომავალში "ქალაქელების" მწვრთნელად შესაძლო გახდომაზე ისაუბრა.
"ამაზე არც კი ვფიქრობ. ეს ცოტა სასაცილოც კია. თუ ოდესმე "სიტის" ხელმძღვანელობაში ვიმუშავებ, ყველაფერს გავაკეთებ, რომ პეპ გვარდიოლა რამდენადაც შესაძლებელია დიდხანს დარჩეს. ის ნამდვილად საუკეთესოა",-თქვა 33 წლის ფეხბურთელმა.
ესპანელი სპეციალისტი "სიტის" 2016 წლიდან წვრთნის და მას შემდეგ ინგლისში 7 ტიტულის მოგება მოახერხა, მათ შორის 2-ჯერ პრემიერლიგის.
