მილანის "ინტერის" მთავარმა მწვრთნელმა მიიღო წერილი , რომელიც მუქარის შემადგენელ ტექსტს მოიცავს. კონვერტში წერილთან ერთად ასევე იდო ტყვია.
"Corriere della Sera - ს" ინფორმაციით , კონვერტი უკვე ექსპერტიზაზეა გადაგზავნილი.
წერილის მიღების შემდეგ კონტეს სახლს და "ინტერის" სავარჯიშო ბაზას პოლიცია აკონტროლებს.
გამოძიება დაწყებულია და სამართალდამცავები კონვერტიდან თითის ანაბეჭდებს აიღებენ , რათა დაადგინონ გამომგზავნის ვინაობა და მოტივი.
ასევე შემოწმდება ყველა სათვალთვალო კამერა "ინტერის" საწვრთნელ ბაზასთან და ანტონიო კონტეს სახლთან.
არსებობს მოსაზრება , რომ მუქარა არ იყოს სერიოზული და ეს მხოლოდ ყურადღების მისაქცევად კეთდებოდეს , მაგრამ პოლიცია იტალიელი მწვრთნელის ოჯახს სიფრთხილისკენ მოუწოდებს.
ამ ინციდენტის გამო კლუბის აბსოლიტურად ყველა თანამშრომელი გაოგნებულია.
დაველოდოთ მოვლენათა განვითარებას და გამოძიების შედეგებს.