კონმებოლის ტექნიკური ანალიზის ჯგუფმა კოპა ამერიკის საუკეთესო ფეხბურთელად ერთდროულად 2 მოთამაშე დაასახელა. ინფორმაციას კონმებოლის ოფიციალური ვებგვერდი ავრცელებს.
არჩევანი ლეო მესიზე და ნეიმარზე შეჩერდა. არგენტინის ნაკრების კაპიტანმა მიმდინარე ტურნირზე 4 გოლი გაიტანა და 5 საგოლე გადაცემა მიითვალა, ბრაზილიელის ანგარიშზე კი 2 გოლი და 3 ასისტია.
,,მხოლოდ ერთი ფეხბურთელის არჩევა შეუძლებელია, რადგან ტურნირს 2 საუკეთესო მოთამაშე ჰყავს,'' - წერია კონმებოლის საიტზე.
კოპა ამერიკის ფინალში ერთმანეთს ბრაზილიისა და არგენტინის ეროვნული ნაკრებები შეხვდებიან. მატჩი 11 ივლისს, 04:00 საათზეა ჩანიშნული.
