საქართველოს ფეხბურთის ფედერაციის გადაწყვეტილებით, ეროვნული ლიგის, ლიგა 2-ს და ლიგა 3-ს მატჩები პირველ აპრილამდე შეჩერებულია.
მიზეზი გავრცელებული კორონავირუსია, რომლის 23 შემთხვევაც საქართველოში ოფიციალურად დადასტურდა.
"ფეხბურთის ფედერაციის მთავარი პრიორიტეტი ჩვენი ფეხბურთელებისა და გულშემატკივრის ჯანმრთელობა და უსაფრთხოებაა", - წერია სფფ-ს განცხადებაში.
26 მარტს, ერთა ლიგის ნახევარფინალში საქართველოს ნაკრები ბელარუსს დაუპირისპირდება. "დინამო არენაზე" დასასწრები მატჩის ყველა ბილეთი გაყიდულია, თუმცა დიდია ალბათობაა იმისა, რომ მატჩი გადაიდოს ან უმაყურებლოდ ჩატარდეს.
