ჩემპიონთა ლიგის მატჩს "მიდტიულანდთან" "აიაქსი" სერიოზული პრობლემებით ხვდება. ამსტერდამელების რიგებში კორონავირუსის 11 შემთხვევა დაფიქსირდა.
ტენ ჰააგის განკარგულებაში ახლა მხოლოდ 17 ფეხბურთელია, რომელთაგან მხოლოდ ერთია მეკარე - კელ შერპენი.
"აიაქსის" ოფიციალური გვერდის თანახმად, ვითარებიდან გამომდინარე მოთამაშეები კლუბმა აკადემიიდან დაიმატა.
ზუსტი გვარები არ ვრცელდება, თუმცა ცნობილია, რომ ნიდერლანდელები დანიაში ტადიჩის, ონანას, კლაასენისა და სხვა ლიდერების გარეშე ითამაშებენ.
