კურტუა: "შეიძლებოდა, რომ უფრო დიდი ანგარიშით წაგვეგო"

"ისე არ ვითამაშეთ, როგორც ამას "რეალის" ფეხბურთელები აკეთებენ ხოლმე. მეტოქე ზონებს გამუდმებით პოულობდა, ჩვენ კი მოედანზე ბოლომდე კონცენტრირებულები არ გამოვედით. პირველი ორი გოლი უყურადღებობის გამო გავუშვით. მეორე ტაიმში გამოვედით მოედანზე და გვჯეროდა, რომ მატჩის შემოტრიალება შეგვეძლო, მაგრამ ვალვერდეს მომენტის შემდეგ, ჩვენ უბრალოდ დავმარცხდით. "რეალმა" მეორე ტაიმში ბრძოლა უბრალოდ შეწყვიტა - "ბარსელონას" კიდევ მეტის გატანა შეეძლო და შედეგი ჩვენთვის, შესაძლოა, გაცილებით მძიმე ყოფილიყო", - ამბობს კურტუა.