L’Equipe - ედინსონ კავანის კარიერა ლა ლიგის კლუბში გაგრძელდება
ედინსონ კავანის პროფესიონალური საფეხბურთო კარიერა, ესპანეთის ლა ლიგის კლუბში გაგრძელდება. აღნიშნულ ინფორმაციას გავლენიანი ფრანგული გამოცემა L’Equipe ავრცელებს. წყაროს მტკიცებით, ვეტერან ურუგვაელსა და "ვილიარეალს" შორის გამართული მოლაპარაკებები დასკვნით ფაზაშია და კონტრაქტი უახლოეს დღეებში გაოფიციალურდება. ედინსონ კავანი "ყვითელ წყალქვეშა ნავთან" 1-წლიან კონტრაქტს გააფორმებს, რომელშიც ხელშეკრულების კიდევ 1 წლით გახანგრძლივების პუნქტიც იქნება ჩადებული. პროფესიონალური საფეხბურთო კარიერის განმავლობაში, 35 წლის კავანიმ "პალერმოს", "ნაპოლის", "პარი სენ-ჟერმენისა" და "მანჩესტერ იუნაიტედის" ღირსება დაიცვა. გასულ სეზონში ურუგვაელმა შემტევმა "წითელი ეშმაკების" მაისურით ყველა ტურნირზე 20 მატჩში მიირო მონაწილეობა და მხოლოდ 2 გოლის გატანა შეძლო. ზაფხულში კავანიმ პრემიერ ლიგის გრანდი თავისუფალი აგენტის სტატუსით დატოვა. რაც შეეხება ურუგვაის ეროვნულ საფეხბურთო ნაკრებს - კავანის ანგარიშზე, 133 მატჩში გატანილი 58 გოლია.
Transferts : Edinson Cavani tout près de Villarreal https://t.co/VWy8JtMmQq pic.twitter.com/uZIHYN0juY — L'ÉQUIPE (@lequipe) August 19, 2022
სხვა სტატიები
