რამდენიმე დღის წინ "ლანჩხუთმა" ქართული ფეხბურთის ისტორია დაწერა - ახალგაზრდა ფეხბურთელებით დაკომპლექტებულმა ქალთა გუნდმა სტუმრად "ოლიმპია კლუჟი" 0:1 დაამარცხა. "ლანჩხუთი" გახდა პირველი ქართული კლუბი, რომელიც ჩემპიონთა ლიგის ფინალურ ეტაპზე გავიდა.
ჩემპიონთა ლიგის 1/16 ფინალის წილისყრა ხვალ გაიმართება, სადაც "ლანჩხუთის" 4 სავარაუდო მეტოქე გახდა ცნობილი:
"კაზიგიურტი" (ყაზახეთი)
ვოლფსბურგი" (გერმანია)
"კვინერი" (ნორვეგია)
"როსენგარდი" (შვედეთი)
აღსანიშნავია, რომ "ლანჩხუთის" ერთ-ერთი პოტენციური მეტოქე "ვოლფსბურგი" გასული სეზონის ჩემპიონთა ლიგის ფინალისტია. გერმანელები ფინალში "ლიონთან" დამარცხდნენ. გუნდი, UEFA-ს კოეფიციენტის მიხედვით, ევროპაში მეორეა.
ქალთა ჩემპიონთა ლიგის ეს სეზონი ჯგუფური ეტაპის გარეშე გაიმართება. პლეი-ოფის შეხვედრები კი ორრაუნდიანი იქნება. "ლანჩხუთი" პირველ თამაშს 9/10 დეკემბერს, ხოლო საპასუხოს 15/16 დეკემბერს გამართავს.