ლაციო იტალიის თასის გამარჯვებულია
რომის "ლაციო" იტალიის თასის გამარჯვებულია. გუნდმა გადამწყვეტ შეხვედრაში "ატალანტას" 0:2 მოუგო და ჯილდოს მფლობელი ისტორიაში მეშვიდედ გახდა. თასის მოგებასთან ერთად, რომაელებმა ევროპა ლიგის საგზურიც მიოპოვეს. იტალიის თასის ფინალური შეხვედრა, რომელიც ტრადიციულად, რომის ოლიმპიურ სტადიონზე გაიმართა, 82-ე წუთამდე უგოლოდ მიმდინარეობდა. ანგარიშის გახსნა კი სერგეი მილინკოვიჩ-სავიჩმა მოახერხა. მატჩის ბოლო წუთზე, სწრაფი კონტრშეტევის შემდეგ ხოაკინ კორეამ მეტოქე დასაჯა და საბოლოო შედეგიც დააფიქსირა. რომის "ლაციოსთვის" ეს მე-10 ფინალი იყო. გუნდმა ეს ჯილდო ბოლოს 2013 წელს მოიგო, მას შემდეგ კი ფინალში ორჯერ წააგო - ორივეჯერ ტურინის "იუვენტუსთან", 2015 და 2017 წლებში. "ატალანტა" იტალიის თასის ფინალში ზედიზედ მესამედ დამარცხდა. ტიტულის მოგება კი ერთადერთხელ - შორეულ1963 წელს მოახერხა.
🏆 Al cielo di Roma, dal 1900 la mia città#VIC7ORY pic.twitter.com/uur5nE8iXO — S.S.Lazio (@OfficialSSLazio) May 15, 2019
სხვა სტატიები
