კვირას სერია ა-ს მე-7 ტურში "ლაციომ" "იუვენტუსს" უმასპინძლა. შეხვედრა ფრედ 1:1 დასრულდა.
პორტუგალიელ სუპერვარსკვლავს ბოლო 15 წუთის გამოტოვება მოუხდა.
ანდრეა პირლომ დაადასტურა, რომ რონალდუმ კოჭ-წვივის სახსრის ტრავმა მიიღო.
პორტუგალიელმა თავისი გუნდი პირველ ტაიმში მე-15 წუთზე დააწინაურა, 76-ე წუთზე მისი შეცვლა გახდა საჭირო "ლაციოს" ნახევრამცველ ლუის ალბერტოსთან შეჯახების გამო. რონალდუს მაგივრად პაულო დიბალა შემოვიდა.
პირლომ ვერ შეძლო ეთქვა, თუ რამდენად სერიოზულია კრიშტიანუს ტრავმა.
პირლომ DAZN- ს განუცხადა: " რონალდუ საკვანძო მოთამაშეა არა მხოლოდ ჩვენთვის, არამედ ყველა იმ კლუბისთვის, სადაც კი უთამაშია. სამწუხაროდ, მან ტრავმა მიიღო და იძულებული გახდა მოედანი დაეტოვებინა".
7 შეხვედრის შემდეგ ტურინელებს 13 ქულა მოუგროვდათ და ლიდერ "მილანს" 3 ქულით ჩამორჩებიან, თუმცა გასათვალისწინებელია, რომ მილანს მატჩით ნაკლები აქვს ჩატარებული. 8 ნოემბერს "მილანი" ვერონას დაუპირისპირდება.
ჯერჯერობით უცნობია, თუ რამდენად სერიოზულია პორტუგალიელის ტრავმა.
