ლაუტარო მარტინესი: "ბარსელონა წარსულშია"

"სიმართლეა, რომ "ბარსელონასთან" მოლაპარაკებებს ვაწარმოებდი. კონტესთან გულახდილი ვიყავი, მე მას ვუთხარი, რომ მხოლოდ "ინტერზე" ვფიქრობდი და "ბარსელონასთან" მოლაპარაკებები ჩემზე გავლენას არ მოახდენდა". "თუმცა, ახლა უკვე ყველაფერი წარსულშია. "ინტერთან" ახალი კონტრაქტის გაფორმებას ვაპირებ. ზუსტად არ ვიცი, ახალი ხელშეკრულების თაობაზე ოფიციალური განცხადება როდის გაკეთდება. მანამდე უბრალოდ ვთამაშობ და ყველაფერს გავაკეთებ, რომ გუნდის წარმატებაში ჩემი წვლილი შევიტანო. ჩემი მომავალი "ინტერშია", ამას უკვე დიდი ხანია ვხედავ. ქალაქ მილანში ყველაფერი მომწონს: გუნდი, გულშემატკივრები, საკვები... აქაურობა მხოლოდ დადებითი გრძნობებით მავსებს".