ლეო მესი El Mundos-ს წინააღმდეგ სარჩელს შეიტანს
3 წლის წინ
ფეხბურთი
3 წთ
" "ბარსელონა" წუხილს გამოთქვამს, რომ მესისა და კლუბს შორის გაფორმებული პროფესიონალური კონტრაქტის დეტალები, რომელიც ორივე მხარის შეთანხმებით კონფიდენციალური უნდა ყოფილიყო, გასაჯაროვდა". " კლუბი არ არის პასუხისმგებელი ამ დოკუმენტის გამოქვეყნებაზე და აუცილებლად იქნება სამართლებლივი ზომები მიღებული El Mundo-ს წინააღმდეგ, იმ ზიანისათვის, რომელიც ინფორმაციის გაჟონვამ შეიძლება გამოიწვიოს". " კლუბი სრულ მხარდაჭერას უცხადებს ლეო მესის და აღკვეთს მისი სახელის დისკრედიტაციის ნებისმიერ მცდელობას და ასევე მისი კლუბთან ურთიერთობის გაფუჭების მცდელობას".Marca-მ გაასაჯაროვა იმ პირების ვინაობა, რომლებსაც მესის კონტრაქტზე ჰქონდათ წვდომა. მათ შორის არიან ხოსეპ მარია ბართომეუ, კარლეს ტუსკეტსი, ოსკარ გრაუ და კიდევ 2 პირი. შესაბამისად, მესის მიერ სასამართლოში სარჩელის შეტანის შემთხვევაში სარჩელის ობიექტები სწორედ სწორედ ის პირები იქნებიან, რომლებსაც დოკუმენტებზე წვდობა ჰქონდათ. შეგახსენებთ, რომ არგენტინელის მიმდინარე კონტრაქტი კლუბთან 2021 წლის 30 ივნისამდეა გათვლილი. თუ გავითვალისწინებთ ბოლოდროინდელ მოვლენებს, სავარაუდოა, რომ მესიმ გუნდთან კონტრაქტის გახანგრძლივებაზე არც კი იფიქროს და კლუბი თავისუფალი აგენტის სტატუსით დატოვოს.