საქართველოს ნაკრების თავდამსხმელმა ლევან მჭედლიძემ თბილისის "დინამოსთან" ერთად სრული დატვირთვით ვარჯიში დაიწყო.
დიდი ალბათობით, 29 წლის თავდამსხმელი 2 ოქტომბერს, ეროვნული ლიგის 23-ე ტურის ეგიდით "საბურთალოსთან" გასამართ შეხვედრაშიც მიიღებს მონაწილეობას.
შეგახსენებთ, გამოცდილი ფეხბურთელი საქართველოს ყველაზე ტიტულოვან კლუბს რამდენიმე დღის წინ, "ემპოლიდან" თავისუფალი აგენტის სტატუსით წამოსვლის შემდეგ შეუერთდა და დებიუტი ჯერჯერობით არ ჰქონია.