ლევანდოვსკი | ვამაყობ, რომ რონალდუსა და მესის ეპოქაში ფავორიტთა შორის ვარ

"ჩემთვის საკმაოდ რთულია იმაზე საუბარი, თუ რა მნიშვნელობა ენიჭება ოქროს ბურთისათვის ბრძოლაში ეროვნული ნაკრების მაისურით ჩატარებულ მატჩებს. ნებისმიერი მაღალი დონის პერფორმანსი ჩემს პოზიციებს გაამყარებს. გუნდურად და ინდივიდუალურად, საკმაოდ ბევრს მივაღწიე. ვფიქრობ, მეტის გაკეთება შეუძლებელი იყო. ნათლად ვაჩვენე, რომ ვარ ფეხბურთელი, რომელიც ოქროს ბურთის მოპოვებაზე ფიქრობს". "ეს იქნება უდიდესი სიამაყე, ნამდვილად ღირსეული დაფასება. საამაყოა ფაქტი, რომ ლეო მესისა და კრიშტიანუ რონალდუს ეპოქაში ერთ-ერთი მთავარი ფავორიტი ვარ. ვიმედოვნებ, ზედმეტი ჩარევა არ მოხდება და ხმის მიცემის განმსაზღვრელი ფაქტორი ფეხბურთელის მიერ გასულ სეზონში ნაჩვენები რეზულტატი გახდება. შესაძლოა გასული ორი წლის შედეგების გათვალისწინებაც, გააჩნია გასული წლის მოვლენებს როგორ ინტერპრეტირებას გავუკეთებთ", - აღნიშნა რობერტ ლევანდოვსკიმ.