შესანიშნავ ფორმაში მყოფი რობერტ ლევანდოვსკი უახლოეს 4 კვირას გამოტოვებს.
მიუნხენის "ბაიერნის" თავდამსხმელმა მუხლის ტრავმა ჩემპიონთა ლიგის მერვედფინალის პირველ შეხვედრაში ლონდონის "ჩელსის" წინააღმდეგ მიიღო.
"რეკორდმაისტერის" ოფიციალური გვერდის ინფორმაციით, პოლონელი ფორვარდის ტრავმა სერიოზულია და მას სულ მცირე 1 თვე გაუცდება.
31 წლის ფეხბურთელს კარიერაში ერთ-ერთი საუკეთესო სეზონი აქვს: ლევანდოვსკიმუპრესტიჟულეს ევროპულ ტურნირზე ყველა მატჩში გაიტანა და 11 გოლით გათამაშების საუკეთესო ბომბარდირია, გოლეადორთა შორის ის ბუნდესიგაშიც ლიდერობს, სადაც მის ანგარიშზე 25 გოლია.
