ლიბერტადორესის თასის ნახევარფინალური დაპირისპირების განმეორებითი მატჩი, რომელშიც "გრემიო" - "რივერ პლეიტს" დაუპირისპირდა, დრამატულად დასრულდა.
ნახევარფინალური დაპირისპირების პირველ შეხვედრაში, "რივერ პლეიტი" საკუთარ მოედანზე მინიმალური სხვაობით, ანგარიშით 0:1 დამარცხდა. განმეორებით მატჩში, "გრემიო" 36-ე წუთზე დაწინაურდა და გაჩნდა შთაბეჭდილება, რომ ლიბერტადორესის თასის ფინალში ბრაზილიური კლუბი გავიდოდა.
შეხვედრის 82-ე წუთზე ბორემ წონასწორობა აღადგინა, 95-ე წუთზე "გრემიოს" კარში დანიშნული თერთმეტმეტრიანი კი გონსალო მარტინესმა ზუსტად შეასრულა და "რივერ პლეიტს" ფინალური საგზური მოუპოვა.
კოპა ლიბერტადორესის ფინალში, "რივერ პლეიტის" მეტოქის ვინაობა, "ბოკა ხუნიორსი" - "პალმეირასის" დაპირისპირების შემდეგ გახდება ცნობილი.
