ჟოზე მოურინიოს პოსტიდან გათავისუფლებას, "მანჩესტერ იუნაიტედის" მთავარი მწვრთნელის ვინაობასთან დაკავშირებით არაერთი კითხვა და ჭორი მოჰყვა. აღნიშნულთან დაკავშირებით Live.ge "მანჩესტერ იუნაიტედის" პრესცენტრს დაუკავშირდა და ოფიციალური ინფორმაცია მიიღო.
-ვრცელდება ინფორმაცია, რომ მთავარი მწვრთნელის პოსტს ზინედინ ზიდანი დაიკავებს. შეგიძლიათ თუ არა აღნიშნულთან დაკავშირებით კომენტარის გაკეთება?
-ამ ეტაპზე სპეკულაციებთან დაკავშირებით კომენტარს არ ვაკეთებთ. როგორც ჩვენს ოფიციალურ ვებგვერდზე განთავსებულ ინფორმაციაში კითხულობთ, გუნდის მთავარი მწვრთნელი ჟოზე მოურინიო აღარ არის.
-შეგიძლიათ გვითხრათ, თუ როდის გავიგებთ ახალი მწვრთნელის ვინაობას?
-ჯერჯერობით ზუსტად არ შეგვიძლია თქმა, შესაძლოა ეს იყოს მომდევნო კვირაში. ამ ეტაპზე, ჩვენ მომდევნო მატჩზე ვართ კონცენტრირებული.
