კვიპროსის თასის მეოთხედფინალური ეტაპის საპასუხო შეხვედრაში, "ანორთოსისი" "კარმიოტისას" დაუპირისპირდება.
პირველი მატჩი ფამაგუსტელებმა გამარჯვებით დაასრულეს (2:1), დღეს კი მათი პროგრამა მინიმუმი არსებული ანგარიშის შენარჩუნება იქნება.
საინტერესოა, რომ გუნდის მთავარმა მწვრთნელმა თემურ ქეცბაიამ სამატჩო განაცხადში არცერთი ქართველი ფეხბურთელი არ შეიყვანა. განაცხადს მიღმა გიორგი ლორია, მურთაზ დაუშვილი, თორნიკე ოქრიაშილი და გიორგი ქვილითაია დარჩნენ.
კვიპროსის თასის მეოთხედფინალური მატჩი 10 მარტს, თბილისის დროით 20:00 საათზე დაიწყება.