ესპანეთის ნაკრების ყოფილი მთავარი მწვრთნელი ლუის ენრიკე შესაძლოა "ფურია როხაში" დაბრუნდეს.
ინფორმაციას Mundo Deportivo ავრცელებს და წერს, რომ "ბარსელონას" ყოფილი თავკაცი ესპანეთის ნაკრებში 2020 წლის ევროპის ჩემპიონატის წინ დაბრუნდება.
ამჟამად, ესპანეთის ნაკრებს რობერტ მორენო წვრთნის, რომელიც ენრიკეს ასისტენტად მუშაობდა.
შეგახსენებთ, "რომას", "სელტას" და "ბარსელონას" ყოფილმა დამრიგებელმა მსოფლიოს 2010 წლის ჩემპიონი რუსული მუნდიალის შემდეგ ჩაიბარა, თუმცა თანამდებობა მიმდინარე წლის მარტში, ოჯახური მდგომარეობის გამო დატოვა. ენრიკეს 9 წლის გოგონას მძიმე დაავადება აღმოაჩნდა და სექტემბერში გარდაიცვალა.
ესპანეთის ნაკრებმა ევრო 2020-ს შესარჩევი ეტაპი წაუგებლად დაასრულა და 30 შესაძლებლიდან 26 ქულა აიღო.
