ახალგაზრდა ქართველმა ნახევარმცველმა ლუკა სილაგაძემ ლატვიის ჩემპიონატში ზედიზედ მეორე მატჩში გოლის გატანა მოახერხა.
21 წლის ფეხბურთელმა, რომელიც "ვალმერიაში" 2020 წლის დასაწყისში გადაბარგდა, "მეტასთან", სტუმრად, 2:2 დასრულებულ შეხვედრაში, მე-8 წუთზე ანგარიში გახსნა. ქართველი ფეხბურთელი 51-ე წუთზე შეცვალეს.
9 ტურის შემდეგ, სილაგაძის გუნდს 15 ქულა აქვს და სატურნირო ცხრილში მესამე პოზიცია უკავია, შემდეგ შეხვედრას "ვალმერია" "რიგასთან", 25 ივლისს გამართავს.