თბილისის "ლოკოკოტივთან" მარცხის შემდეგ "დინამო მოსკოვმა" პირველი მატჩი რუსეთის პრემიერლიგაში დღეს ჩაატარა.
კირილ ნოვიკოვის გუნდმა შინ "ახმატი" 1:0 დაამარცხა და აქტივში მნიშვნელოვანი 3 ქულა ჩაიწერა.
მოსკოველთა გულშემატკივარმა საყვარელ გუნდს დღევანდელ თამაშამდე ირონიული ბანერი დაახვედრა: "მადლობა ევროსეზონისთვის."
როგორც მოგეხსენებათ, რუსეთში დიდი მოლოდინი ჰქონდათ, რომ "დინამო" ევროპა ლიგის ჯგუფურ ეტაპზე ითამაშებდა, თუმცა გია ჭიაბრიშვილის გუნდმა მოსკოველებს გეგმები ჩაუშალა.
