პორტუგალიის ჩემპიონატის 24-ე ტურში "სეტუბალმა" შინ "ბენფიკა" მიიღო და ჩემპიონატის ლიდერს მნიშვნელოვანი ქულები დააკარგვინა - 1:1.
მასპინძელთა კარს იცავდა გიორგი მაკარიძე. 29 წლის ქართველმა ფეხბურთელმა "ბენფიკასთან" 5 სეივი გააკეთა და ქულის მოპოვებაში დიდი წვლილი შეიტანა. მაკარიძე "ბენფიკასთან" მატჩის საუკეთესო მოთამაშედაც დაასახელეს.
აღსანიშნავია, რომ გიორგი წინა ტურში, "პორტიმონენსესთან" შეხვედრის MVP-იც გახდა.
ასე რომ, საქართველოს ნაკრების წევრი ბელარუსთან თამაშს კარგ ფორმაში ხვდება. ვლადიმერ ვაისს მასსა და გიორგი ლორიას შორის მოუწევს არჩევნის გაკეთება.