"ფეხბურთის ობსერვატორიამ" TOP 5 ლიგებში მოთამაშე 23-წლამდე ასაკის მეკარეების სატრანსფერო ღირებულება გამოაქვეყნა.
საკუთარ პოზიციაზე TOP 10 ფეხბურთელს შორის მოხვდა ქართველი მეკარე, გიორგი მამარდაშვილი. CIES-ის ეკონომიკური მოდელის მიხედვით, "ვალენსიას" 21 წლის მეკარის ფასი 8 მილიონ ევროს შეადგენს.
ამ მაჩვენებლით მამარდაშვილი მე-7 პოზიციას იკავებს, რეიტინგს კი სათავეში ევროპის ჩემპიონი და "პსჟ"-ს კიპერი, ჯანლუიჯი დონარუმა იკავებს. აქვე გეტყვით, რომ ის "ფეხბურთის ობსერვატორიამ" 80 მილიონ ევროდ შეაფასა.
შეგახსენებთ, რომ გიორგი "ვალენსიას" ძირითად 11-ეულში იასპერ სილესენმა ჩაანაცვლა. უკვე რამდენიმე თვეა ახალგაზრდა ქართველი სათადარიგო სკამზეა. დიდი ალბათობით, მამარდაშვილს "ვალენსია" "დინამო თბილისიდან" გამოისყიდის.
