მანჩესტერ სიტი Vs. ვესტ ჰემი (პრევიუ)

3 წთ

მხოლოდ Betlive.com-ზე და პირველად საქართველოში – ჯეკპოტები სპორტში! დადე ბილეთი და მოიგე 25 000; 50 000; 75 000 ან 100 000 ლარი! აქციაში ჩართვა მარტივია: საკმარისია დადოთ მინიმუმ 1 ბილეთი სპორტში ნებისმიერ მოვლენაზე, შეავსოთ ქვიზი და გამოიცნოთ 3 მატჩის პირველი გოლის ავტორი! ამ კვირაში გამოსაცნობი მატჩებია: ჩელსი Vs. ტოტენჰემი კრ.პალასი Vs. მანჩესტერ იუნაიტედი მანჩესტერ სიტი Vs. ვესტ ჰემი Live.Ge წარმოგიდგენთ თითოეული მატჩის დეტალურ პრევიუს: პრემიერლიგის 28-ე ტურის შეხვედრაში "მანჩესტერ სიტი" "ვესტ ჰემს" უმასპინძლებს. საჩემპიონო რბოლაში ჩართული "მანჩესტერ სიტი" უდავო ფავორიტად მიიჩნევა - პეპ გვარდიოლას შეგირდებს ზურგს ურთიერთშეხვედრების სტატისტიკაც უმაგრებს. აღსანიშნავია რომ "ეტიჰადზე" გამართული უკანასკნელი 12 ურთიერთშეხვედრიდან 10 "მანჩესტერ სიტის" გამარჯვებით დასრულდა, 1 შეხვედრაში საყაიმო ანგარიში დაფიქსირდა, "ვესტ ჰემს" კი მხოლოდ 1 გამარჯვება ერგო. ამასთანავე ყველა ტურნირზე ჩატარებულ უკანასკნელ 15 შეხვედრაში "ქალაქელებმა" მხოლოდ 1 მარცხი იწვნიეს. დაპირისპირებას გუნდები ოპტიმალური შემადგენლობით ხვდებიან, მაგრამ რამდენიმე ფეხბურთელი ორივე გუნდს გამოაკლდება. "მანჩესტერ სიტის" შემადგენლობაში ფერნანდინიოსა და აიმერიკ ლაპორტეს ვერ ვიხილავთ - "ჩაქუჩებს" კარლოს სანჩესი, ჯეკ უილშირი, ანდრეი იარმოლენკო და უინსტონ რიდი დააკლდებათ. ეს უკანასკნელი 2018 წლის მარტში მიღებული ტრავმის შემდეგ არ გამოჩენილა მოედანზე.

საინტერესო ფაქტები მატჩის შესახებ:

სერხიო აგერო შესაძლოა გახდეს პირველი ფეხბურთელი, რომელიც ჰეთ-თრიქს პრემიერლიგის ზედიზედ სამ შეხვედრაში გაიფორმებს.
"ეტიჰადზე" გამართულ უკანასკნელ 16 შეხვედრაში სერხიო აგერომ 25 გოლის გატანა შეძლო.
პრემიერლიგის ეგიდით, "ეტიჰადზე" გამართული უკანასკნელი 23 შეხვედრა, რომელშიც სერხიო აგერო ძირითად შემადგენლობაში იმყოფებოდა "მანჩესტერ სიტის" გამარჯვებით დასრულდა. აღნიშნულ მატჩებში აგერომ 29 გოლი გაიტანა და 7 ასისტი გაიფორმა.
ყველა ტურნირზე გამართულ დაპირისპირებებში დავიდ სილვამ "ვესტ ჰემს" უფრო მეტი გოლი გაუტანა (6) ვიდრე ნებისმიერ სხვა კლუბს.
პრემიერლიგის ეგიდით გამართული უკანასკნელი 5 ურთიერთშეხვედრიდან ოთხჯერ "მანჩესტერ სიტიმ" გახსნა ანგარიში. უკანასკნელ ხუთ ურთიერთშეხვედრაში რაჰიმ სტერლინგმა და ლეროი სანემ "ვესტ ჰემს" 3-3 გოლი გაუტანეს.
პრემიერლიგის ეგიდით გამართული უკანასკნელი 6 დაპირისპირებიდან 5 "მანჩესტერ სიტის" გამარჯვებით, 1 კი ფრედ დასრულდა. გატანილი და გაშვებული გოლების კომპონენტში "მანჩესტერ სიტის" კოლოსალური უპირატესობა აქვს (17:3).
პეპ გვარდიოლას მეთაურობით, ყველა ტურნირზე "ქალაქელები" ექვსჯერ დაუპირისპირდნენ "ვესტ ჰემს" - ექვსივე შეხვედრა "ქალაქელთა" გამარჯვებით დასრულდა. "მანჩესტერ სიტიმ" 22 გოლის გატანა შეძლო და მხოლოდ 3 გაუშვა.
პრემიერლიგის ეგიდით გამართულ უკანასკნელ 15 საშინაო შეხვედრაში "მანჩესტერ სიტიმ" მინიმუმ ორი გოლის გატანა შეძლო.

ლევან მათეშვილი

სხვა სტატიები

2025 წლის მსოფლიოს საკლუბო ჩემპიონატს აშშ უმასპინძლებს

DI MARZIO: კოენტრაო შეიძლება სერია ა-ში ვიხილოთ