"მანჩესტერ იუნაიტედი" 16 წლის ფეხბურთელის თაობაზე "მონაკოს" შეუთანხმდა. ფრანგული გუნდის ვუნდერკინდი, ჰანიბალ მეჯბრი მომდევნო 24 საათის განმავლობაში "წითელი ეშმაკი" გახდება.
ახალგაზრდა მოთამაშის გადაბირებისთვის "იუნაიტედი" "მონაკოსთან" მოლაპარაკებას დიდი ხნის განმავლობაში აწარმოებდა. ცნობილია, რომ ინგლისური გუნდი ჰანიბალის სანაცვლოდ 10 მილიონ ევროს იხდის.
საინტერესოა, რომ "მონაკომ" ფრანგი ცენტრალური ნახევარმცველი 14 წლის ასაკში მილიონ ევროდ იყიდა. ჰანიბალ მეჯბრის საფრანგეთის U16 გუნდში 6 მატჩი აქვს ჩატარებული.
