მარიმ პირს მორგანი ,,გამოიწვია'', ჟურნალისტმა ჩოგბურთელს უპასუხა
უიმბლდონის ორგზის ჩემპიონმა, ენდი მარიმ, მექსიკასთან მატჩში ლეო მესის გოლის შემდეგ, ბრიტანელ ჟურნალისტს, პირს მორგანს, ტვიტერის პოსტით ,,დასცინა''. მორგანი, რომელმაც რამდენიმე დღის წინ, კრიშტიანუ რონალდუსთან ინტერვიუ ჩაწერა, ყველა დროის საუკეთესო ფეხბურთელად სწორედ პორტუგალიელს მიიჩნევს.
მარიმ ტვიტერის პირად გვერდზე მესის ფოტო დადო, დაწერა ,,Oops'' და პირს მორგანი მონიშნა:
Oops. @piersmorgan pic.twitter.com/r3DO4Ag5jX
— Andy Murray (@andy_murray) November 26, 2022
მარის პოსტზე ჟურნალისტის პასუხმაც არ დააყოვნა:
,,ვხვდები, რატომ მოგწონს ის... თქვენს სახეობაში თქვენი ქვეყნიდან ორივენი მეორე ხართ! მარადონა, პერი...'' - დაწერა მორგანმა.
დიეგო მარადონას გარდა, მორგანმა ლეგენდარული ბრიტანელი ჩოგბურთელი, ფრედ პერი ახსენა, რომელმაც 1933-1936 წლებში 8 გრანდ სლემი (მათ შორის 3-ჯერ უიმბლდონი) მოიგო.
I can see why you like him… both the 2nd best players in your sport to come from your own country. #maradona #perry https://t.co/ipjoZsAUqz
— Piers Morgan (@piersmorgan) November 26, 2022