დღეს მიუნხენის "ბაიერნის" ყოფილმა თავდამსხმელმა მარიო გომესმა კარიერა დაასრულა.
-"დარწმუნებული ვიყავი, რომ ეს წელი ჩემთვის, როგორც ფეხბურთელისთვის "შტუტგარტის" რიგებში ბოლო იქნებოდა. გადავწყვიტე დავასრულო ჩემი საფეხბურთო კარიერა. დიდი მადლობა გულშემატკივრებს, რომლებიც მრავალი წლის განმავლობაში მამხნევებდნენ და ძალას მმატებდნენ." - განაცხადა გომესმა.
მარიო "შტუტგარტს" ბუნდესლიგაში დაბრუნებაში დაეხმარა. მიმდინარე სეზონში გერმანელის ანგარიშზე 7 გატანილი გოლი გახლავთ.
ჯამში გომესმა თავისი კარიერის განმავლობაში 582 მატჩი ჩაატარა და 304 გოლი გაიტანა.
მარიო იმ მიუნხენის "ბაიერნის" ერთ-ერთი მთავარი დამრტყმელი ძალა გახლდათ, რომელმაც 2013 წელს ტრიუმფალურად მოიგო ჩემპიონთა ლიგა.
გომესმა ასევე სამჯერ მოიგო გერმანიის ბუნდესლიგა, ორჯერ გერმანიის თასი, ორჯერ გერმანიის სუპერ თასი და ერთხელ თურქეთის სუპერ ლიგა.