მარკ ჰიუზი: "სულშერს დრო სჭირდება - მანჩესტერ იუნაიტედი ახლა მისი გუნდია"

  " ოლემ მშვენივრად იმუშავა. მიმდინარე სეზონში ის დიდი ზეწოლის ქვეშ იყო, მაგრამ მართებული იქნება, თუ ადამიანებს საკუთარი საქმის გასაკეთებლად და კვალის დასატოვებლად დრო მიეცემათ". " ახლა ის იმ მომენტს მიუახლოვდა, როცა "იუნაიტედი" უკვე მთლიანად მისი გუნდია, ის ახლოსაა ისეთი გუნდის ჩამოყალიბებასთან, როგორიც "მანჩესტერ იუნაიტედი" უნდა იყოს". "როგორც ჩანს, მან შეძლო გუნდის მენტალიტეტის შეცვლა, ახლა გუნდი ბევრად ერთიანი და კარგად შეთამაშებულია, ვიდრე ეს ადრე იყო. გუნდი თავდაჯერებულია და თუ რაიმე პრობლემები იყო მატჩებში, მათ ამისი გამოსწორება მალევე შეძლეს. საკუთარი ძალის რწმენა და თავდაჯერებულობა დიდი გუნდებისთვისაა დამახასიათებელი".

"როდესაც თავდაჯერებულობაზე ვსაუბრობთ, უნდა აღვნიშნოთ, რომ "ლივერპულში" ზოგიერთი ელემენტი გამართულად ვერ მუშაობს".  "კონკრეტულად კი შემტევი ტრიო, რომელიც ბოლო პერიოდის განმავლობაში საოცარ ფეხბურთს გვთავაზობდა, მაგრამ ახლა სხვა სიტუაციაა. ასევე გამართულად ვერ მუშაობს "ლივერპულის" დაცვა, რასაც თავისი ობიექტური მიზეზები აქვს". "მთლიანობაში, მოცემულ მომენტში კლოპის "ლივერპული" კარგ ფორმაში არ იმყოფება, რაც შედეგებზეც აისახა". "მათ უბრალოდ თავდაჯერებულობა უნდა დაიბრუნონ, მაგრამ "ლივერპულის" პრობლემა ისაა, რომ კვირას მათ "იუნაიტედთან" უწევთ დაპირისპირება, გუნდთან, რომელიც, როგორც ჩანს, სულ უფრო მეტად თავდაჯერებული ხდება, "ლივერპული" კი პირიქით - თითქოს გუნდმა რწმენა დაკარგა".