სერია ა-ს 36-ე ტურის შეხვედრაში, "ინტერი" "რომას" დაუპირისპირდა. "სან სიროზე" გამართული მატჩი მასპინძელთა გამარჯვებით, ანგარიშით 3:1 დასრულდა. მატჩის 77-ე წუთზე, ანტონიო კონტემ ლაუტარო მარტინესი შეცვალა. "ნერაძურის" არგენტინელი შემტევი მთავარი მწვრთნელის გადაწყვეტილებით უკმაყოფილო დარჩა - გავრცელებული ინფორმაციით, კონტე და მარტინესი ერთმანეთს სიტყვიერად დაუპირისპირდნენ.
მთავარ მწვრთნელსა და ვარსკვლავს შორის დაძაბულობის აღმოსაფხვრელად, "ინტერის" ფეხბურთელებმა სავარჯიშო მოედანზე "რინგის" ინსცენირება მოახდინეს. მარტინესი და კონტე ერთმანეთს კრივში დაუპირისპირდნენ.
