მბაპე ნეიმარის გარეშე უკეთესია? - მსგავსი სისულელეები უნდა შევწყვიტოთ

"არა, ამ მოსაზრებას ჩვენ სერიოზულად ვერ განვიხილავთ, ვხედავ, როგორ საუბრობს ამის შესახებ ხალხი, მაგრამ მსგავსი სისულელეები უნდა შეწყდეს". "ჩვენ ყოველთვის გვინდა, რომ საუკეთესო მოთამაშეები გვყავდეს. თუ იმავე შეკითხვას კილიანს დაუსვამთ, დარწმუნებული ვარ ის გიპასუხებთ, რომ ურჩევნია გვერდით ნეიმარი ჰყავდეს". " "ბარსელონასთან" მბაპემ შესანიშნავად ითამაშა, მაგრამ შეხვედრაში მნიშვნელოვანი როლი სხვა მოთამაშეებმაც შეასრულეს". "როდესაც გუნდი კარგად თამაშობს, კონკრეტული ფეხბურთელების ინდივიდუალური მხარეებიც სწორედ მაშინ ვლინდება საუკეთესო კუთხით. "ბარსელონასთან" მატჩმა მბაპეს თავდაჯერებულობა შემატა. "კამპ ნოუზე" სამი გოლის გატანა მისთვისაც და მთლიანად გუნდისთვისაც ძალიან მნიშვნელოვანი იყო". " "ბარსასთან" მატჩის შემდეგ ყველასათვის ნათელი გახდა, თუ რა შეუძლია მბაპეს, ჩვენ ვცდილობთ, რომ მას მაქსიმალურად შევუწყოთ ხელი. ის მოედანზე ნამდვილი ლიდერია, რომელიც საკუთარ შესაძლებლობებს და თვისებებს კარგად ავლენს".