მესი: "ბარსელონას სასამართლოს მოვუგებდი, მაგრამ ასე წასვლა არ მინდოდა"

ძალიან ვწუხვარ, რომ ყველაფერი ასე განვითარდა. ბარსელონა ჩემი ცხოვრებაა. 13 წლიდან აქ ვცხოვრობ და მეტსაც გეტყვით, ბარსელონაში უფრო მეტი დრო მაქვს გატარებული, ვიდრე არგენტინაში. ყველაფერი აქ ვისწავლე და ფეხბურთელადაც აქ ჩამოვყალიბდი. დღეს თავს კარგად ვგრძნობ. ზაფხულში ძალიან ცუდი პერიოდი გავატარე პრეზიდენტს ჩემი გაშვება არ სურდა და ყველაფერს აკეთებდა იმისთვის, რომ ცუდ ადამიანად წარმოვეჩინე. რაც მოხდა, მოხდა და არაფერს ვნანობ. ვფიქრობდი, რომ ცხოვრების რაღაც ეტაპი დასრულებული იყო და ცვლილება მჭირდებოდა. წასვლა მინდოდა, თუმცა ჩემი შვილები დარჩენას მთხოვდნენ, პრეზიდენტი კი მაიძულებდა, ცვლილებაზე არ მეფიქრა", - აღნიშნა მესიმ.

"ახლა მთავარია, გუნდზე ვიფიქრო და სეზონი ტიტულებით დავასრულოთ, ამაში კი ხელი არ უნდა შემეშალოს. არ ვიცი, მომავალში რა იქნება, ჯერჯერობით დღევანდელ დღეზე ვარ ორიენტირებული. ნებისმიერ შემთხვევაში, მომავალში მინდა რომ კვლავ ამ გუნდში ვიმუშავო, ამ ქალაქში ვიცხოვრო და გუნდს რაიმეთი დავეხმარო. "ბარსელონა" მეტია, ვიდრე ერთი ცალკეული ფეხბურთელი და ამაში ჩემს თავსაც მოვიაზრებ", - განაცხადა არგენტინელმა.