მესი: ,,ნიდერლანდებთან რაც მოხდა, არ მომეწონა''

არგენტინის ეროვნული ნაკრების კაპიტანმა, ლეო მესიმ, მსოფლიო ჩემპიონატის მეოთხედფინალური შეხვედრის შემდეგ, ნიდერლანდების ნაკრების მთავარ მწვრთნელთან და ფეხბურთელებთან მომხდარ კონფლიქტზე ისაუბრა:

,,ამაზე არ მიფიქრია, ეს ყველაფერი იმ მომენტში მოხდა. ვიცოდი, რაზე ისაუბრეს ფეხბურთელებმა და ვან გაალმა მატჩის წინ. ჩემმა თანაგუნდელებმაც კი მკითხეს: ,,ნახე, რა თქვა მან?''

იმით, რაც მატჩის შემდეგ გავაკეთე, კმაყოფილი არ ვარ - ვეგჰორსტს ვუთხარი: ,,წადი აქედან!'' თუმცა, სტრესისა და დაძაბულობის მომენტში ყველაფერი ძალიან სწრაფად ხდება. ასეთი შთაბეჭდილების დატოვება არ მინდოდა, მაგრამ ვიმეორებ, მსგავსი რამ ხდება...'' - მესის სიტყვებს Marca ციტირებს.

მესიმ ნიდერლანდების ნაკრებთან მატჩის შემდეგ, ინტერვიუს მიცემისას, ვეგჰორსტს სულელი უწოდა.

ნიდერლანდელის თქმით, თამაშის შემდეგ მესისთვის ხელის ჩამორთმევა უნდოდა, თუმცა ლეომ მასთან საუბარი არ ისურვა.