ბარსელონას" მთავარი მწვრთნელი რონალდ კუმანი არ არის დარწმუნებული, შეძლებს თუ არა გუნდის კაპიტანი ლიონელ მესი ესპანეთის სუპერთასის ფინალში მონაწილეობის მიღებას.
"რაც შეეხება მესის, კიდევ რამდენიმე დღე უნდა დაველოდოთ ზუსტ პასუხს", - თქვა ნიდერლანდელმა სპეციალისტმა.
არგენტინელმა თავდამსხმელმა უკვე გამოტოვა ტურნირის ნახევარფინალური შეხვედრა "რეალ სოსიედადის" წინააღმდეგ, რომელიც ფრედ - 1:1 დასრულდა, ხოლო პენალტების სერიაში გამარჯვება კატალონიურმა გრანდმა მოიპოვა (3:2).
ესპანურ მედიაში გავრცელებული ინფორმაციით, "გრანადასთან" (4:0) მოგებული მატჩის დასრულების შემდეგ, 6 ოქროს ბურთის მფლობელმა თავი არაკომფორტულად იგრძნო, თუმცა ზუსტი დიაგნოზი და ტრავმის სიმძიმე ჯერჯერობით ცნობილი არ არის.
მეორე ნახევარფინალურ წყვილში ერთმანეთს ბილბაოს "ატლეტიკი" და მადრიდის "რეალი" 15 იანვარს შეხვდებიან.