იტალიური მედია ქართული ფეხბურთის ამომავალ ვარსკვლავს, ხვიჩა კვარაცხელიას სერია A-ს და ბუნდესლიგას წარმომადგენელ გრანდებს უკავშირებს.
sempremilan.com-ის ინფორმაციით, "მილანი" ტურინის "იუვენტუსთან" და დორტმუნდის "ბორუსიასთან" ყაზანის "რუბინის" ქართველი შემტევის გადაბირებისთვის ბრძოლაში ჩართვას აპირებს.
წყარო ასევე წერს, რომ 20 წლის ქართველზე დასაკვირვებლად, "იუვენტუსის" და "მილანის" სკაუტები, 28 მარტს, თბილისში ჩამოვლენ და "დინამო არენაზე" გასამართ, მსოფლიოს ჩემპიონატის საკვალიფიკაციო ეტაპის მეორე ტურის შეხვედრას - საქართველო-ესპანეთი დაესწრებიან. ცნობილია ისიც, რომ კვარაცხელიას ახლო მომავალში გერმანული გრანდის წარმომადგენლებიც დააკვირდებიან.
ამ სეზონში, საქართველოს ნაკრების შემტევის აქტივში 18 საკლუბო შეხვედრაში გატანილი 2 გოლი და 7 საგოლე გადაცემაა.
ასევე იხილეთ: დრამატული მატჩი და გამარჯვება ჩემპიონთან – კვარაცხელიას სტატისტიკა ზენიტის წინააღმდეგასევე იხილეთ: კვარაცხელია მე-20 ტურის საუკეთესო ფეხბურთელად დასახელდაასევე იხილეთ:კვარაცხელია და თანაგუნდელები: რუბინის ემოციები ზენიტთან გამარჯვების შემდეგ (ვიდეო)
