მიქაუტაძის ჰეთ-თრიკი – ქართველმა სერენი ბელგიის თასის შემდეგ ეტაპზე გაიყვანა 

საქართველოს ნაკრების თავდამსხმელმა, გიორგი მიქაუტაძემ ბელგიის თასის პირველი საკვალიფიკაციო ეტაპის შეხვედრაში, ჰეთ-თრიკის გაფორმება მოახერხა.

სერენმა” “ლოკერენსერთმატჩიან დუელში – 3:0 აჯობა და სამივე გოლი ახალგაზრდა ქართველი ფორვარდის აქტივში იყო. 20 წლის შემტევმა გოლები მე-7, 55-ე და 88-ე წუთებზე გაიტანა.

მიქაუტაძე ბელგიურ გუნდში იჯარის წესით საფრანგეთის ლიგა 1-ის ბინადარი “მეციდან” 30 აგვისტოს დაბრუნდა და იუპილერ ლიგაში ჩატარებული ერთი შეხვედრის შემდეგ, თასზე გამართულ მატჩში პირველი გოლების გატანა მოახერხა.

საინტერესოა, რომ გიორგი მიქაუტაძეს “სერენის” მაისურით საერთო ჯამში (ორივე სეზონის გათვალისწინებით) 23 შეხვედრაში 25 გოლი აქვს გატანილი.

(180)

მიქაუტაძის ჰეთ-თრიკი – ქართველმა სერენი ბელგიის თასის შემდეგ ეტაპზე გაიყვანა 

სტატიის ავტორი
-