"Money, Money, Money" - ლივერპულის ფეხბურთელებს ABBA-ს ცნობილი ჰიტით დახვდნენ (ვიდეო)

ევროპის სუპერ ლიგას მსოფლიოს მასშტაბით მილიონობით მოწინააღმდეგე გამოუჩნდა. ახალ იდეას აკრიტიკებენ გულშემატკივრები, ჟურნალისტები, ყოფილი ფეხბურთელები და საფეხბურთო საქმიანობაში ამჟამად აქტიურად ჩართული ადამიანებიც კი. ერთ-ერთი კლუბი, რომელიც ახალი პროექტის ინიციატორია და ამ იდეას თავგამოდებითაც იცავს, "ლივერპულია". მერსისაიდული კლუბის მიმართ პროტესტი მათმა ქომაგებმაც გამოხატეს, "ენფილდის" გარშემო გაკრულ დამამცირებელ ბანერებს, რომელიც მათი საყვარელი კლუბის ხელმძღვანელობის მიმართ ფულის მომატებული სიყვარულის ბრალდებას გამოხატავდა, ახლა გუნდის ავტობუსთან მოწყობილი ირონიული ჟესტიც დაემატა. მაშინ, როცა "წითლების" ფეხბურთელები თავიანთი ბაზიდან გამოდიოდნენ და ავტობუსში სხდებოდნენ, რათა პრემიერ ლიგის 32-ე ტურის შეხვედრაზე ("ლიდს იუნაიტედის" წინააღმდეგ) გამგზავრებულიყვნენ, მიმდებარე ტერიტორიაზე გულშემატკივრებმა ტრომბონზე 1980-იანი წლების შვედური მუსიკალური კოლექტივის ABBA-ს ცნობილი ჰიტი - "Money, Money, Money" შეასრულეს, რითიც "ლივერპულის" ფულის გამო პრინციპების ღალატზე კიდევ ერთხელ მიანიშნეს.

Liverpool board the team coach to tunes of ‘Money Money Money’ by ABBA, played on a trombone... Only in Leeds... #LUFC #LFC #AntiSuperLeague #MoneyMoneyMoney pic.twitter.com/2R1MZFX6kG — Sam (@smisles98) April 19, 2021