მადრიდის "რეალისა" და ესპანეთის ნაკრების მარცხენა მცველი, სერხიო რეგილონი, ლონდონის "ტოტენჰემში" გადადის - ექსკლუზიურ ინფორმაციას Sky Sports-ის ჟურნალისტი, ფაბრიციო რომანო ავრცელებს.
რომანოს თანახმად, ტრანსფერის დასრულებისთვის მხოლოდ ფორმალური ნაწილის მოგვარებაა დარჩენილი. ლონდონური კლუბი მის სანაცვლოდ €30 მილიონს გადაიხდის.
აღსანიშნავია, რომ რეგილონის შეძენა "მანჩესტერ იუნაიტედსაც" სურდა, თუმცა "ტოტენჰემმა" მას უკეთესი პირობები შესთავაზა.
მარცხენა მცველის პოზიციაზე "ტოტენჰემში" დიდი კონკურენციაა - რეგილონის გარდა, ამ პოზიციაზე დენი როუზი და ბენ დევისი თამაშობენ. შესაბამისად, დიდი ალბათობაა, რომ "ტოტენჰემს" ერთ-ერთი მათგანი მაინც დატოვებს.
გასული სეზონი რეგილონმა იჯარის წესით "სევილიაში" გაატარა, სადაც 38 ჩატარებულ მატჩში 3 გოლი და 5 საგოლე გადაცემა მიითვალა.
Just in: Sergio Reguilon to Tottenham, here we go soon! The agreement has been reached on last few hours with Real Madrid for €30m as final fee. Reguilon agreed personal terms with Spurs and accepted to join also after talks with #MUFC. Only paperworks to be signed. ⚪️🤝 #THFC