ლონდონის "არსენალის" თავდამსხმელმა პიერ-ემერიკობამეიანგმა, შესაძლოა, მიმდინარე თვეში კლუბი დატოვოს.
30 წლის გოლეადორის დამატებით ესპანეთის მოქმედი ჩემპიონი "ბარსელონა" ინტერესდება.
კატალონიელებს თავდასხმაში პრობლემები აქვთ, გუნდის მთავარი ფორვარდი ლუის სუარესი ტრავმირებულია და უდიდესი ალბათობით, ამ სეზონში ვეღარ ითამაშებს. ურუგვაელის შემცვლელად, ახალდანიშნული კიკესეტიენი სწორედ გაბონელს განიხილავს, რომლის გადაბირებასაც "ბლაუგრანა" იჯარის წესით აპირებს.
კატალონიური გამოცემა Mundo Deportivo წერს, რომ ობამეიანგი "ბარსას" წინადადებას დათანხმდა, ჯერი კი ახლა "არსენალზეა", რომელთა ხელმძღვანელებსაც ფეხბურთელის სურვილის უგულებელყოფა გაუჭირდებათ. ობამეიანგს "მეთოფეებთან" კონტრაქტი 2021 წლამდე აკავშირებს.
