ნეიმარის გარშემო ატეხილი აჟიოტაჟი არ ცხრება. ბრაზილიელმა ვარსკვლავმა "პარი სენ ჟერმენის" მესვეურებს უკვე განუცხადა, რომ ზაფხულის სატრანსფერო ფანჯრის დროს გუნდის დატოვება სურს.
თავდაპირველად გავრცელებული ინფორმაციით, "ბარსელონას" ნეიმარის კვლავ დაბრუნება სურს - თუმცა კატალონიელებს "პსჟ"-სთვის ოფიციალური წინადადებით არ მიუმართავთ. ანტუან გრიზმანის ტრანსფერმა კი ნეიმარის "ბარსელონაში" დაბრუნება შესაძლოა ეჭვქვეშ დააყენოს. უკანასკნელი ცნობების თანახმად, ნეიმარის მამა - რომელიც ამავდროულად მისი აგენტია "იუვენტუსთან" მართავს მოლაპარაკებებს.
"ბიანკონერის" მესვეურებსა და ნეიმარის მამას შორის მიმდინარე მოლაპარაკებების თაობაზე, ინფორმაციას Football Daily-ი ავრცელებს.