Belive

ნიკა კვეკვესკირი: "ალბანეთთან მატჩი გენერალური რეპეტიცია იქნება"

2 წლის წინ ფეხბურთი
1 წთ
29 მარტს, საქართველოს ფეხბურთელთა ნაკრები 2022 წლის მეორე ამხანაგურ შეხვედრას გამართავს და ალბანეთს სტუმრად დაუპირისპირდება. მატჩის წინ, ეროვნული გუნდის ერთ-ერთმა ლიდერმა, ნიკა კვეკვესკირმა კომენტარი გააკეთა.
"ალბანეთის შესახებ ყველას კარგად მოგვეხსენება. საკმაოდ ბევრი ფეხბურთელი თამაშობს ევროპის წამყვან ჩემპიონატებში და მათ ზედმეტი წარდგენა არ სჭირდება. ჩვენი მიზანი, რა თქმა უნდა, ერთა ლიგის თამაშებისთვის მომზადებაა. ეს იქნება გენერალური რეპეტიცია ივნისის თამაშების წინ, რაც ჩვენი უმთავრესი მიზანია. მთავარია, გუნდმა გააგრძელოს წარმატებული სვლა და მიჯრით ოთხი გამარჯვების შემდეგ შეინარჩუნოს პოზიტიური ენერგია. ხვალინდელი თამაში მნიშვნელოვანია, რადგან ეროვნულ ნაკრებში შედეგი არასდროს არის მეორეხარისხოვანი და თითოეულ ფეხბურთელს სურს ბოლომდე დაიხარჯოს და გაახაროს ქართველი გულშემატკივარი და მთელი ქვეყანა", - თქვა ნიკა კვეკვესკირმა.
საქართველოსა და ალბანეთის ნაკრებების დაპირისპირება თბილისის დროით 23:45 საათზე დაიწყება და შეხვედრის პირდაპირ რეპორტაჟს საქართველოს პირველი არხი შემოგთავაზებთ.

სხვა სტატიები