ნიცა და მარსელი დაისაჯნენ | ფეხბურთელების დისკვალიფიკაცია და ჩამოკლებული ქულები
2021/22 წლების ლიგა 1-ის ერთერთ შეხვედრაში, სადაც ერთმანეთს "ნიცა" და "მარსელი" ხვდებოდნენ, საკმაოდ არასასიამოვნო ინციდენტი დაფიქსირდა. შეხვედრას დოლბერგის გოლით "ნიცა" იგებდა, თუმცა მატჩის ბოლო ნაწილში, მას შემდეგ, რაც "ნიცას" გულშემატკივარმა დიმიტრი პაიეს ბოთლი ესროლა, მოედანზე მიმდიანრე პროცესები უკონტროლო გახდა. პაიემ გულშემატკივრის მიერ ნასროლი ბოთლი ტრიბუნებისაკენ გაისროლა, რაც საბოლოოდ დაპირისპირებისა და ხელჩართული ჩხუბის მაპროვოცირებელი ფაქტორი აღმოჩნდა. აღნიშნულიდან გამომდინარე, საფრანგეთის ფეხბურთის ფედერაციის გადაწყვეტილებით "ნიცას" ლიგა 1-ის ცხრილში 1 ქულა ჩამოაკლდა. ასევე, ფეხბურთიდან 1 წლით დისკვალიფიცირდა მარსელის ექიმი, რომელიც მოედანზე მიმდინარე დაპირისპირებაში აქტიურად ჩაერთო.
Crazy scenes in Ligue 1 😱 Dimitri Payet was hit by a missile thrown from the crowd, and when he threw it back it all kicked off... The match was suspended as chaos descended on the pitch, with the managers even getting involved! pic.twitter.com/Skk7VoLoIa — Football on BT Sport (@btsportfootball) August 22, 2021
კომისიის გადაწყვეტილებით პაიეს 1-მატჩიანი დისკვალიფიკაცია აკმარეს, ხოლო ალვარო გონსალესი 2-მატჩით დაადისკვალიფიცირეს. ზემოთხსენებული შეხვედრა 23 აგვისტოს გაიმართა, თუმცა გამომდინარე იქედან, რომ შეხვედრა არ დასრულდა და გაუქმდა, კომისიის გადაწყვეტილებით "ნიცასა" და "მარსელის" მატჩი გადათამაშდება, თუმცა დაპირისპირების გამძაფრების პრევენციის მიზნით, ტრიბუნაზე მაყურებელი წარმოდგენილი არ იქნება.