ხვალ დანიის ჩემპიონატის 25-ე ტურის მატჩები გაიმართება.
"ნორსიელანდისა" და "კოპენჰაგენის" დაპირისპირებამდე საკმაოდ საინტერესო ინფორმაცია გავრცელდა.
როგორც ჩანს, "ნორსიელანდის" ფეხბურთელებმა ქალთა დღის აღსანიშნავად კრეატიული გადაწყვეტილება მიიღეს - ისინი მაისურზე იმ ქალების სახელებს დაიწერენ, რომლებიც მათთვის მისაბაძი პიროვნებები არიან.
უკვე ცნობილია, რომ გუნდის ერთ-ერთი მოთამაშე ამერიკელ ჩოგბურთელს, სერენა უილიამსს, ერთი კი დანიელ ფეხბურთელს, პერნილ ჰარდერს დაიწერს.