ობამეიანგმა არსენალი დატოვა - ბარსელონა ტრანსფერის გაოფიციალურების ზღვარზეა

პიერ-ემერიკ ობამეიანგმა "არსენალი დატოვა. ლონდონური კლუბის მიერ გავრცელებულ განცხადებაში აღნიშნულია, რომ ობამეიანგმა "არსენალი" ორმხრივი შეთანხმების საფუძველზე დატოვა. "მეთოფეებმა" ობამეიანგს მადლობა გადაუხადეს და წარმატება უსურვეს - ლონდონური კლუბის მაისურით ჩატარებულ 163 შეხვედრაში, გაბონელმა შემტევმა 92 გოლის გატანა შეძლო, თუმცა დისციპლინარული სასჯელი გამო, ობამეიანგს გასული წლის დეკემბრის შემდეგ არ უთამაშია.

"ტიტულების მოპოვების შანსი და ამ კლუბის კაპიტნის სამკლავურის მორგების პატივი არის ის, რაც სამუდამოდ მემახსოვრება. ყოველთვის 100%-ით კონცენტრირებული და მონდომებული ვიყავი, რომ ამ კლუბისთვის ყველაფერი გამეკეთებინა, ამიტომ დამშვიდობების გარეშე წასვლა მტკივნეულია - მაგრამ ეს არის ფეხბურთი", - აღნიშნა ობამეიანგმა.

 

View this post on Instagram

 

A post shared by Pierre-Emerick Aubameyang (@auba)