2019/20 წლების პრემიერ ლიგაში უპრეცედენტო ცვლილება განხორციელდა. გავრცელებული ინფორმაციით, პრემიერ ლიგის ისტორიაში პირველად - კლუბებს ზამთრის შესვენება ექნებათ.
წყაროს მტკიცებით, ზამთრის შესვენება ორ სათამაშო კვირაზე გადანაწილდება. გუნდები 2020 წლის 8 და 15 თებერვალს დაისვენებენ. თავდაპირველად პრემიერ ლიგის ბინადარი 10 კლუბი დაისვენებს, მომდევნო სათამაშო კვირას კი ის 10 გუნდი დაისვენებს, რომლებიც პირველ კვირას ითამაშებენ. 2019 წლის, 14 დეკემბერს კლუბები მათი დასვენების თარიღს შეიტყობენ.