ოფიციალურად: ბალოტელი იტალიის ნაკრებში ბრუნდება

4-წლიანი პაუზის შემდეგ მარიო ბალოტელი იტალიის ეროვნულ ნაკრებში ბრუნდება.

დღეს რობერტო მანჩინიმ დაასახელა იმ 35 ფეხბურთელის ვინაობა, რომლებიც მსოფლიოს 2022 წლის ჩემპიონატის შესარჩევი ეტაპის პლეი-ოფში თამაშისთვის იბრძოლებენ. მათ შორის მოხვდა თურქული “ადანა დემისპორის” 31 წლის ფორვარდიც.

ბოლოს ბალოტელიმ “ნერაძურის” მაისური 2018 წლის 7 სექტემბერს, პოლონეთთან (1:1) ერთა ლიგის მატჩში მოირგო.

მარიოს თურქეთის სუპერ ლიგის მიმდინარე სეზონში ჩატარებულ 19 მატჩში 8 გოლი და 3 ასისტი აქვს.

აღსანიშნავია, რომ იტალიის ნაკრებში პირველად გამოიძახეს არაერთი ფეხბურთელი, მათ შორის, ბრაზილიაში დაბადებული ჟოაო პედრო, რომელიც 2014 წლიდან “კალიარის” ფეხბურთელია.

ოფიციალურად: ბალოტელი იტალიის ნაკრებში ბრუნდება

სტატიის ავტორი
-